Nazar Teri Yun Utaar jayen

Nazar Teri Yun Utaar jayen

Ke khud Ko Sadqay Mai Waar jayen

So Ab Anaon Ko Dafan Karke

Kisi Ke Aage To Haar jayen

Jo Zindagani Ke Pal Bache Hain

Wo Hans Hansa Kar Guzaar jayen

Na Aise Rotho Khayal Karlo

Hamain Ye Lamhe Na Maar Jayen

Udas Hokar Bhi Kya Mila Hai

Chalo udasi Ke Paar jayen

Umer Se Rattjaga Nahi Jata

Umer Se Rattjaga Nahi Jata
Khawab Ka Silsila Nahi Jata
Gark Hon Ek Hi Baar Is Ghum Mai
Thora Thora Mara Nahi Jata
Chal Nikalta Hon Be Khayali Mai
Jis Taraf Rasta Nahi Jata
Phir Wo Ghum Ankh Se Tapakta Hai
Jo Zuban Se Kaha Nahi Jata
Itna Masroof Hon Muhabbat Mai
Aur Kuch Bhi Kiya Nahi Jata
Admi Jitni Bhi Ozar Karle
Rog Is Hijar Ka Nahi Jata
Tegh Ke Waar Bhi Mai Seh Lon Mohsin
Talkh Lehja Magar Saha Nahi jata

Aaj Hum Tumko Chalo Saf Bata Dete Hain

Aaj Hum Tumko Chalo Saf Bata Dete Hain
Dil e Gustakh Ka Har Raaz Suna Dete Hain
Shiddat e Dard Ne Mujhe Kya Se Kya Bana Diya
Halat e Zar Tumko Bhi Suna Dete Hain
Khamosh Darya Ki Tarah Behti Rehti Hon
Bewaja Ghum Ke Tufaan Mujhe Saza Kyun Dete Hain
Ankhen Ashkon Se Barh Jayen To
Selaab Ashk Mai Sab Shikayat Baha Dete Hain
Ek Raaz Chupa Hai To Chupa Rehne Do
Unke Samne Hum Siskiyun Mai Bhi Muskura Dete Hain
Aaj Hum Tumko Chalo Saf Bata Dete Hain
Dil e Gustakh Ka Har Raaz Suna Dete Hain

Torr Dalen Qalam To Behtar Hai

Torr Dalen Qalam To Behtar Hai
Na Likhen Raaz e Ghum To Behtar Hai
Yun Bhi hum Ko Na Choregi Dunya
Ap Karlen Sitam To Behtar Hai
Kufar hai Hum Unhe Chahen
Log Poje Sanam To Behtar Hai
Ishq Marta To Kam Hi Lekin
Ishq Maare Bhi Kam To Behtar Hai
Daad Milti Hai Wo Sune Na Sune
Aake Zair o Bam To Behtar Hai
Na Karo Tauba Dil Dukhane Se
Ab Na Tote Qasam To Behtar Hai
Dil Ka Qissa Wohi Qadeemi Hai
Na Suno Mohtram To Behtar Hai
Torr Dalen Qalam To Behtar Hai
Na Likhen Raaz e Ghum To Behtar Hai

Kabhi Khamosh betho Gay

Kabhi Khamosh betho Gay
Kabhi Kuch Gungunao Gay
Mai Utna Yaad Aaongi Mujhe Jitna Bhulao Gay
Koi Jab Poch Bethega Khamoshi Ka Sabab Tumse
Bohat Samjhana Chaho Gay Magar Samjha Na Pao gay
Kabhi Dunya Mukammal Ban Ke Ayegi Nigahon Mai
Kabhi Meri Kami Dunya Ki Har Shay Mai Pao Gay
Kahin Par Bhi Rahen Hum Aur Tum Muhabbat Phir Muhabbat Hai
Hum Utna Yaad Ayengay Hame Jitna Bhulao Gay
Kabhi Khamosh betho Gay
Kabhi Kuch Gungunao Gay

Kyun Itna dard dete Ho

Kyun Itna dard dete Ho

Kyun Yun Din Bhar Satate ho

Palat Hum Na Ayenge

Na Phir Tum Ko Satayenge

Hamare Baad Jo Wo Pal

Tumhe Jab Yaad Ayenge

Bohat Tumko Rulayenge

Satayenge Jagayenge

Abhi Shehar e Muhabbat Mai

Mera Koi nahi Jaana

Meri Dunya Mai Ajao

Kahin Rooh Mai Sama Jao

Tumhari Yaad Mai Jalti Hon

Kyun Itna Rulate Ho

Teri Chokhat Pe Aye Hain

Tumhe Paa Kar Hi Jayenge

Agar Kuch Ranjishen Hongi

Hum Unko Bhi Mitayenge

Abhi TumKo bulate Hain

Tumhi Pe Haq jatate Hain

Mere Is Pyar Ko jaana

Bolo Kaise Bhulaogay

Duayen Jab Bhi Mangi Hain

Khuda Se Tumko Manga Hai

Agar Tum Na Howe Mere

To Phir Hum Jee Na Payenge

Palat Hum Na Ayenge

Na Phir Tum Ko Satayenge

Na Phir Tumko Jagayenge

Na Phir Tumko Manayenge

Kyun Itna Dard Dete Ho

Kyun Itna Dard Dete Ho